آه يا قلبي اللي يسمع وما يشوف

وآه يا عيني اللي تنظر وما تنال

ما لقلبي عيون ولا لعيني كفوف

ما لهم غير حزن ودمعتين وسؤال

أنتهك حرمة الصمت بثلاثة حروف

(ليش حرمان) ما يلقي لها الوقت بال

الألم؛ لم في صدري (طعون وحتوف)

والأمل؛ ملّ من قولة: (يا فيصل تعال)

في طريقي ليالي وحدة وشوك خوف

ضاع فيهم سنا حب وغمامة جمال

ليتها مسألة وقت وحكاية ظروف

كان ما ضقت من صبري لو الصبر طال

آه كم فاض لي ناظر وكم شب جوف

آه من احتمال إني أعيش احتمال

راح عمري يديني في خيالي تطوف

ما تصافح يدين إلا يدين الخيال