اكتب بيوت الشعر في وسط قرطاس

في ليثنا المحبوب محلا مسيره

هذا بطلنا شرف الكل بالكاس

بهجومه الناري تسمع زئيره

خلفه رجال عندها شعور وإحساس

رجال على الطولات دايم جديره

فيهم أبو فيصل على العين والراس

خالد ولد سلطان الله يجيره

معزته بقلوبنا ما لها قياس

يسلم لنا راعي الفضول الكثيرة

وابن سعد رجل الذهب هو والألماس

أصل الذهب ساس الذهب هو خبيره

وخالد البلطان لليث نوماس

أبو الوليد الفذ بحكمه يديره

يسهر طوال الليل والناس نعاس

يستاهل النوماس ساس تعميره

وخالد ابن معمر حكيم ونبراس

أبو محمد والوفاء هو مسيره

وشفنا القريني طيب ما له قياس

أمين عام بالفخر هو يديره

وطارق النوفل ينطق الهرج بقياس

الزين في نطقه وجمال تعبيره

واللاعبين اللي عديمين الأجناس

دايم على الكيسان خبرة كبيرة

وزلزالنا سبب كثيرات الاتعاس

يسلم لنا ناصر بصفوة ضميره

بأهدافه الحلوة أصبح البعض منحاس

في حالة يرثى لها وفي حسيره

فيه الوسط اللي كتم بعض الانفاس

يوزع الباصات بفكر وبصيرة

فيه الدفاع الصلب قوة على ساس

الخصم لا مره دروبه عسيرة

فيه الحراسة ولا كل حراس

وليد عبدالله كثر الله خيره

وجمهوره اللي للخصم صار حساس

متواجد في كل أنحاء الجزيرة

وصلاة ربي عد ما هب نسناس

عد الحجيج اللي لفوا للشعيرة

الشاعر/ محمد عبد العزيز الخنيفر