ناصر السياري يعود لنا بنص أجزل وأجمل بخبرة وشاعرية:

شعر الرجل يا أهل الشعر من شعوره

لا صار رجلٍ مرهف الذوق حساس

يعطيك عما لاج بالقلب صوره

ينظم مع عقود الذهب غالي الماس

أعجاز شعره تنسجم مع صدوره

ما تختلف ما بين وزنٍ ومقياس

لا شافها المحزون يظهر سروره

يسعد بلحظات الفرح عقب الأتعاس

من قاس غباته سبح في بحوره

يعوم ما قد صار مكتوم الأنفاس

لا صار فاهم ما يتيه بغروره

ما يترك الواقع ويرجح مع الياس

يقطف من أبكار المعاني زهوره

طرّيـه الأشكال ماهيب يباس

يمشي على درب المعرفه بنوره

ما قال دلوني على الدرب يا ناس

مناهله ما نشفتها دهوره

واللي يفوز بقول يستاهل الكاس

سما بثوب ٍ ضافي ما يعوره

ضد العرا معناه تستره الألباس

ناصر السياري