قصيدتي ما هي بحاجه لتقديم
مضمونها صدق الدعاء والتحيه
يمّ المليك اللي رفض لفظ تعظيم
قايد ذخر عمره عشان الرعيه
سيل الحياء روّح على روضة خريم
واستبشرت بالغيث نجد العذيه
ياسيدي هذا الهوى لامس الغيم
وانت السحاب اللي كفوفه سخيه
شفت البرد لاخالطه صافي الديم
نيتك مثله والنوايا مطيه
تشهد على حبك جبال مجاهيم
انه تربع بالصدور الوفيه
نشرب غلاك وعاد كنا مفاطيم
ونفداك لا وصلت حدود المنيه
يامن قسم خيره على الناس تقسيم
وقف لابوه ولامه الشمريه
قبل الاوامر كلها والمراسيم
ايديك بدموع اليتامي نديه
حتى الصلاه اليا اختموها بتسليم
يدعون لك يا مغدقٍ بالعطيه
حضنتهم عن لفحة البرد والضيم
وأسعدتهم بعد الحياه الشقيه
حفظت دينك مانسيت التعاليم
وطبّقت شرع الله وسنة نبيه
الشعب ثار وثورته دون تعتيم
ثورة غلا ماهي جموعٍ عصيه
رضوك قسمه، حي هاك المقاسيم
وهبة ولي, ياطيبها من هديه
وقصيدتي ماهي بحاجه لتقديم
انت السحاب اللي كفوفه سخيه
سعد مطلق العنزي
