يا صاحبي بالضلم شابت جفوني

وأنا ابد وافي على دون تقصير

يا صاحبي وان كانهم ما يبوني

أنا لي الله رازق الإنس والطير

ابكي ودمع العين جرح عيوني

وأشوفها جتني بسود المقادير

يا صحابي وعيالي اللي نسوني

ولا فيهم اللي بادلني بأي تقدير

جازوني بصد ولا قدروني

وأهدوني النكران من دون تبرير

وزوجاتهم بالبيت عنه طردوني

ولا منهم اللي ساق حلو المعاذير

أنا أبوهم بالجفاء عاملوني

ألومهم ما لوم احد ابد غير

من هجرهم بالعمر يا ما سقوني

أجرع قهر ودموع عيني تعابير

هذا القهر وشلون ما يرحموني

أعيش في دنياي ذل وتحقير

عمري كبر يا ليتهم ساعدوني

والجرح ساطي واضح بي بتاثير

وش حيلتي مدامهم لوعوني

برحل عساي ألقى محبه وتوقير

واخذ ونين الجرح وأدله بكوني

خلاص أنا مليت ما صار ويصير

يمكن ابلقى شخص قلبه حنوني

ينسيني اللي صار وأعيش في خير

لكن ورب البيت شابت جفوني

من جورهم والظلم من دون تقدير

فهيد البقعاوي