الطيب له جملة دروبٍ كثيره

ونفسٍ تحب الهون ما تدرك الجود

والمرجله بنتٍ هنوفٍ ستيره

كل يبيها مار من دونها كود

سليمان بن شريم

لولاي أخلِّي كل وادي ومجراه

ما صار لي عند النشاما شبوحي

إلى شفت خبلٍ يدبل الكبد بحكاه

صدّيت عنه وقلت أنا أبخص بروحي

سعد بن صبيح العجمي

بادر زواج الحِلّ مادمت ناشي

ترى العمر لا أقفى فلا عاد منهاش

ترى حلاة الولف حِقّهْ وحاشي

والهِرش ما يتبع مقاديم الأدباش

ناصر العريني

ربيع قلبي هرجة الغانميني

لياجو مساييرٍ وبالبيت خطَّار

عساك ياللي تكره المقبليني

تحيا حياة الفقر وإن متّْ للنار

ابن نومان الحربي