مرس بن طواله شاعر مجيد ومقل في نفس الوقت يعود لنا في هذا النص بالحكمة البليغة:
الكبريا والغطرسه للمهابيل
اللي بهم نقص يبون اتعويضه
والا ترى ماتنوجد بالرجاجيل
تلقى الرجل عكس اللئيم ونقيضه
يالله دخيلك من بعض ناس ذا الجيل
وانك تكافينا النفوس المريضه
ناس مهايطها طغى واوقف السيل
والمشكله صاروا اجموع عريضه
هبيت ياهرج قليل المحاصيل
ولا نطقت فيه البخوت الحظيظه
ماقالته روس الرجال الحلاحيل
والا الردي من ساس مافيه عيضه
يالله تجعل كل درب تساهيل
لنا ومن صلى الوقوت الفريضه
وتكبل الحساد يارب تكبيل
وعيونه القشرا يدوم اتغميضه
- مرس بن طواله
