ياملا ماخبرتوا للمودة مداوي
دام حالي وروحي ماقضت كلها
يوم ربي نواني بالشقا والبلاوي
ساقها لي بغرة ثم ساقن لها
جية الزين والله ماتجي بالهقاوي
كلمة مع رفيقٍ قلت له قلها
مقبلٍ ويتبسم مثل عين النداوي
الهوى يستوي له والبها دلها
يامليح المجدل ذب عنك الغطاوي
جعل عينٍ تملك ماترى من لها
بالخديد المورد والمقاد الضباوي
من ثمانك تبل الروح وتعلها
ياغضيض مضمر مستميلٍ هفاوي
يشتكي من ردوفه متعبه تلها
الله اللي محطك كية للهواوي
عيذها من عيون الناس تفطن لها
عبد الله الاشقر
