لا تحاول بالخفا تجرح خفوقي
يكفي اللي صار من هم وسهر
ماكفاك الحب واحساسي وشوقي
بالخفا تجرح وتهديني قهر
له دايم بالهوى تحجب شروقي
ليه ودك ها المواجع تشتهر
وانت تدري باالغلا يسكن عروقي
وانت تدري وش خفى واللي ظهر
بس تكفى اعطني باقي حقوقي
يكفي دموعي على خدي نهر
من عنايا لوعتي تسكن بموقي
حسرتي صارت لها بعمري شهر
ولاتحاول يكفي اللي في خفوقي
من عناء وآهات وهموم وسهر
فهيد البقعاوي
