صاحبي بالحال رجال ٍ سنافي
مايخون الود ويصون العهد
مايوردني على حد التجافي
ولايحاول بالخفا يسمع لأحد
بالمراجل دايم بالحال وافي
وللمواصل باقي رغم الحسد
اعترافي بالغلا هذا اعترافي
دام هو في دنيتي وجه السعد
واضح دايم ولاعنده خوافي
طيب ذاته منبعه مثل الشهد
لو ذكرته مايجي فيه اختلافي
والله أنه بالزمن يسوى بلد
عابد ربه وهذا الشيء كافي
مأدي فرضه ولا لغيره سجد
للمعالي والله أنه دوم ضافي
فعل يمنى من زرع قالوا حصد
أشهد أنه كالذهب بالحيل صافي
ماتغير لو شكا بعض النكد
تشهد الأبيات مع عذب القوافي
المراجل ماتبي غيره بعد
صاحبي يبقى معي إنسان وافي
حافظ في دنيتي ذاك العهد
فهيد البقعاوي
