اليوم طولت وابهام الندم عضِّه

ناب الجفا ما بقى لك يالسهر داعي

كم جرح فالصدر لكن عيني تغضِّه

تعبت أسامح خطاك وكثرت أوجاعي

وتعبت أدوج الظلام ونسيت الومضه

توضي قناديل قلبٍ ما برح واعي

كنت الثواني وكنت أخاف هالغمضه

تاخذك هاجس وقلبي فيك طمّاعي

يا كثر ما قلت ليت وقلت يا حظّه

الا هي اللي عيونه دعج ووساعي

الحب كلّه يجي لا ما يجي بعضه

لا تسمع من القلوب اللي بلا راعي

والمولد اللي لهيت بكذبته فضه

جاملت كذبك وملَّت كذبك أسماعي

قدّمت لك شمس قلبي والقمر فضه

وأنا ظلامي كثير وغرك إشعاعي

واليوم طولت وابهام الندم عضِّه

ناب الجفا ما بقى لحكايتك داعي

- الشاعر الأمير د. سعود بن عبدالله