مثلك بلا مبدأ بفعله وقوله

لا وازعٍ ديني ولا عرف عقّال

رجال لكن منت حول الرجوله

حرام مثلك يلبس شماغ وعقال

المشكل إنك من سلايل حمولة

مثلتها بالشين من قول وافعال

حلم العصافير الصغيرة وزوله

زول البغال اللي لها قيد وحبال

مثلك عرفنا مبتغاه وميوله

شكواي لله في ضعيفين الآمال

قهري على مثلك صعيبٍ وصوله

قومي هل الطولات أجاويد وابطال

لي في بحور الشعر صولة وجولة

مثلي غدت بالشعر مضرب للأمثال

أكتب قصيدٍ عذب واعرف أصوله

رطبٍ.. طريٍ.. يانعٍ

مدهش ومنعش ينعش اللي يقوله

سهلٍ.. بسيطٍ.. صافيٍ

وانته قصيدك ما نهض من خموله

مير الصحافة دورها حيل فعّال

وإذا على بنت انتصارك بطولة

يا فرحة أمك جابت اليوم رجّال

النرجسية