عادت الوقت تشتيت القلوب الولايف
لين يطري على النفس الحزينه نكدها
حالت الوقت هاذي ياجميل الوصايف
ساعة موادعك يازين قرب وعدها
شي مكتوب ما والله تفيد الحسايف
نعنبوا من رضا فرقاك ولا قصدها
والله أني من الفرقا والأيام خايف
وأنت تدري عن الفرقا وش اللي بعدها
تبكي العين وتحن الضلوع النحايف
مثل ما حنت اللي مات عنها ولدها
من مكانه تجي وتروح جاها كلايف
لين حفيت على شانه مقاديم يدها
مير يازين لذكرى مكان وطرايف
احتفظ في الوصيه لا تضيع عهدها
الشاعر - إبراهيم بن عمر مضحي العصيمي
