ليست النهاية ولكنها البداية مع الشعر وشاعر يكتب بلغة خاصة:

يووه يا عمر العنا.. برد وجفاف

الله يجيب الدفا ويّا المطر

أبكي سنيني لو سنيني «عجاف»

ما أبي منها سوى رشفة عطر

ياه.. كم نشقى لأجل عيش الكفاف

ياه.. كم نكذب لأجل نقضي وطر

من كثر ما آنا «عدوّي» صرت أخاف

شفت من نفسي على نفسي خطر

عشت حيرة ما لها نهاية مطاف

وين ما وليت ما ألقى لي شطر

بس من شفتك شعرت بـاختلاف

كن عمري: صوم، ولقاك: الفطر

إنتي؟ إنتي طفلة قلوبٍ نظاف

جات تكتب عمري من أول سطر

جات تنهي سالفة برد وجفاف

يا هلا يا أم الدفا وأم المطر

فيصل الشريف