تقول: وشلون قلبك طاعك تفارق
واقول: تلويعك اللي زاد عن حدّه
الصدّ حارق وصار وصالك الحارق
واشوف أنا راحتي بالبعد والصدّة
ضيّعت وقتي على باب الرجا طارق
سلكت كل الطرق لا شك منسدّه
كم لي ببحر الأماني والوهم غارق
إن قلت: حان الجزر يجتاحني مدّه
قيّدتي قلبي بحبلٍ من أمل خارق
الوقت طال وقطعتي الحبل بالمدة
والحب لامن خرج مني خرج مارق
يروح من ضامري روحة بلا ردة
انتي قتلتي الوله في رمحك الزارق
والله يعينك على فرقاي والعدة
لا صار وصلك عذاب ابرك لي افارق
الصبر موجع إلى من زاد عن حدّه
الشاعر - فيصل بن سبيل
