ودعي يا دارنا وابشري يا دارنا
شمسنا بإذن الله الولي ما يموت سراجها
حزني يا دارنا واصبري يا دارنا
دارنا دار الحرم ما تطيح أبراجها
كل ما نجم رحل ما تغيب نجومنا
النجوم اللي على الأرض جاء وهاجها
مات أبو خالد ولي العهد سلطاننا
أبو خالد فالبلد فاقده محتاجها
راح أبو خالد رحل راح مثل أسلافنا
يا عساه بجنة الخلد يا فراجها
الحزن غطى الوطن من يمنا لشامنا
كل بيتٍ بالوطن خزّنته أدراجها
السعودية بكت والحزن بأعياننا
كيف ما نبكي كريم العرب هداجها
كم مسح دمعة يتيمٍ تهنى واهتنا
وكم مريضٍ كافلٍ سفرته وعلاجها
البقى في قايد الدار هو مقدامنا
أبو متعب ثابتٍ لو تموج أمواجها
كن وجهه نور صبحٍ ظهر قدامنا
فيه خير وفيه نورٍ وصل معراجها
والعوض بعياله اللي تشيل أمجادنا
الصقور اللي نشوف العشاء في حجاجها
يا وطنا يا وطنا ثمنك أعمارنا
ما ستمعنا هرجةٍ ضايع هراجها
في وطنا كل عامٍ نخدم إسلامنا
كل عامٍ فالمشاعر تجي حجاجها
ما تزعزع صفّنا من قديم أيامنا
الضعوف اللي تسوق البلاء لنعاجها
دايمٍ فوق المبادي ترف أعلامنا
راية التوحيد تبقى على منهاجها
وأصبري يا دارنا وأبشري يا دارنا
يالله إنك تحفظ الدار تحت سياجها
د. ضويحي الروقي القحطاني
