سلام يا أغلى من يسوق المشاريه
ياللي على شانه نفك النشابه
سلام من غالي إلى قلب غاليه
ياقف مـ بين ايديه قدر ومهابه
سلام متكشّخ على شان قاريه
يجيه وارياح الورود بـ ثيابه
ألطف من اهبوب المساء في تواليه
وأرق وأجمل من رذاذ السحابه
يجيك طاير ما تخافت جناحيه
موزون والنظرات فيها صلابه
يعني على رأي العقل خير تشبيه
شخصٍ كريم وقرم كله حبابه
ياصاحبي لو كان لك شخص تغليه
ما ودك اتساق القلوب لـ عتابه
ويكون فيه اشكال والصد ينهيه
تختار حل الصد قبل المجابه
المسألة ما هي بلعبه وترفيه
المسألة واقع وصرنا قرابه
أما حضرنا بـ عز مابه مشاريه
والا بلاه احضور مابه ذرابه
أقولها واللي لك بخافقي فيه
ما غير اللي صار قلبي و مابه
أحمد عبدالله الحريقي
