هذا أنا كلّي رجعت أعرف هيامي

رافعٍ رأسي وقلبي بين أيديّه

انصفيني دامك بعمري مرامي

ودامك أغلى من مشى وسط البريّه

الأمير الشاعر/ نواف بن فيصل (أسير الشوق)

حبيبتي.. كل العواذل تشابه

قلبٍ ظلام.. ووجه يشبه للاصحاب

ولا من غدا لك صاحبٍ ينحكابه

لا تسمعين.. ان كان لك قلب واحباب

الشاعر/ طلال الرشيد - رحمه الله

إي والله أعلنها وأنا وجهي طليق

والبال غصنٍ كل قمري ناح به

أنا من اللّي ما يخونون الصديق

يومٍ ولد اللاش خان بصاحبه

الشاعر/ مساعد الرشيدي

لو يقولون: (يخلق م الشبه أربعين)

أقدر أقول: وجهك.. ما خلق له شبه

صعب هذا (البياض) انه يجي مرتين

في وجوهٍ بزيف اللون متقلّبه

الشاعر/ مهدي بن سعيد