يانبض دامه عايش أكيد بتعيش
ولا أهديت له حلمٍ بنى لك مواني
مرت عليه سنين من ودّع الطيش
وكبر على تصديق بعض الأماني
يكتب على الما بس لا تسأله ليش
مادامك أقرب صاحبٍ للمحاني
صدره ملاذٍ للسحاب المراهيش
وعينه رسم فيها سهيل اليماني
يعشق سلومه مثل عشق الطواويش
للدرّ , وإن خالف سنعها يعاني
وإذا غفت عينه على وسادة الريش
يدري بأن العمر لو طال فاني
وأحيان يزرع في حقول الذره عيش
عشان تقتات الفقارى أماني
محمد المداد
