يالله يالله يا رحمن ترحمنا
يا مالك الملك يا معبود يا عالي
إنت السميع البصير اللي بك آمنا
مالك شبيه ونديد ومالك أمثالي
حنا عبيدك تحت ملكك وحاكمنا
أحزان الأيام من غيرك لها جالي
إجبر عزانا على سلطان وألهمنا
صبرٍ يزيد اليقين ويرحم الحالي
ياما وياما خدم دينه بلا منا
بالجاه والرأي والمجهود والمالي
يكفي ابتسامه بوجه الناس واليمنى
اللي كما البحر لكن صافيٍ حالي
يا رب سلطان سميناه حاتمنا
وإنت الجواد الكريم المنعم الوالي
حرّم عظامه على النيران وارحمنا
دعوة قلوبٍ تحبه دمعها سالي
لا تحرمه عفوك المعهود والمنّا
لا تحرمه جنتك والمنزل العالي
وحنّا عبيدك لك أسلمنا وسلّمنا
إنت اللطيف الخبير بكل الأحوالي
الأمير الشاعر -خالد بن سعود الكبير
