ياطيب حظي واحمد الله واشكره

يومن بيتي كل طيّب يدهله

لا لفا للدار ظيفي مانهره

مرحبا والدار دايم من هله

وكل طيّب راح مازلت اذكره

واشكره في كل طيب (ن) يعمله

وكل رجل(ن) طاب فعله مفخره

والردي لاحل ذكره اجهله

اكرهه واسل سيفي واشهره

في وجه من شال الردا في محثله

اتجه للطيب دايم واعمره

افعل اللي كان جدي يفعله

ازرع المعروف واحسب لاشهره

واتحرا لين رده يدبله

ياكثر منتوج زرعي ماكثره

لازرعت الطيب في ارض تقبله

وان زرعت الطيب في راس حجره

من نهاره ياكل النمل أشكله

أتفكر طول ليلي واسهره

والسهر للعين عندي مشكله

انتبه للوقت لا قفا واحذره

واتخوف كل مافات أجمله

لاذكرت الموت شفت المقبره

اشهد ان الموت حق ونقبله

له مليك عند ربه يأمره

انتبه ياصاح وقتك ماعجله

والصبر محمود للي يقدره

والغضب والعنف يرجع مهزله

وان نظرت العيب في اخوك استره

يستر الله عيبك اللي تفعله

بالنصيحه قول قولك واجهره

لاتعذّر من الردي لو تزعله

ولا تمنا الشر ياتيك اقشره

والطريق اذا انقسم خذ اسهله

ذا كلام الصدق وارج المعذره

اسئل اللي عاصر الوقت اسئله

رويفع بن دبسي العتيبي