سعد عبدالرحمن يعود بنص جميل فيه تلاعب الشاعر بالمفردة :

يابيه ياباش يا السلطان ياافندي

ياسيدي ياحياتي يامولعني

خذني تحت رايتك ياحاكمي جندي

واحكم على راحتك ,, والحكم يقنعني

الأطلسي والمحيط الثاني الهندي

يا صغرها عند حبك يا مضيّعني

تبي الغلا لا يهمك فالغلا عندي

تبي الشعر فارخ سمعك بس واسمعني

ما قد سمعت الشعر للفطحل الكندي

قصايدي فيك عن موقعه ترفعني

وأبو البقاء الكبير الشاعر الرندي

لو عاينك ضاع مثلي, دامك المعني

حتى يديني من اسباب الغلا تندي

والقلب دايم على لقياك يدفعني

لو قالوا ان الحلا والزين هولندي

قلت الحلا في حبيبٍ غصب يخضعني

انت الذي بس ودي يحتضن بندي

بند المحبه مثل ما اعطيك دلعني

مليون جندي يحبك, فوقهم جندي

وارجوك ما ابغى مثل غيري ترجعني

أرجوك يابيه يالسلطان ياافندي

ما أبغى من اليوم شيء عنك يمنعني