( في الصميم )

قالوا الناس صيّاد الكواسر يصاد

والحذر يا وسيع المعرفة ما يفيد

كل زرع ٍ يطول ومقتفيه الحصاد

والعرب بين نزّال ٍوالآخر شديد

* * *

( فطنة )

افطن ترى بالناس لوقي وغشّاش

ياما تشوف اشكال عدلٍ ومايل

عليك باللي قلبه ابيض من الشاش

اللي لماجوبك يسوق الرحايل

* * *

(خوّة)

الصدق بار و راعي المكر باقي

راحوا هل المعروف والصدق والجاه

ما عاد تلقى اليوم خوّة شلاقي

اللي ليا شاف الزلل منك يرفاه

* * *

(سهام)

أبو عيونٍ ما بعد ساجه الميل

سود المحاجر ذبح من حل يومه

لا قل عكشٍ ضافيات مظاليل

تكسرت باقصى الضماير سهومه