حيّ الوطن وأهل الوطن سادة الناس

أهل الوفا والجود وأهل الحميه

آل السعود اللي بهم نرفع الراس

مطبقين الشرع في صدق نيه

اللي علوا في طيبهم كل الأجناس

وصاروا مثالاً في العلوم البهيه

فهيم نزاهة ما وطوا درب الأدناس

اشراف مسلكهم دروب نقيه

أحرار شجعان بهم قوة الباس

واللي يعاديهم تجيه المنيه

ومن زار مجلسهم يجد فيه نوماس

ترحيبة وأهلا وسهلا تحيه

ويا ما حلا شعب به ذوق واحساس

وسماحة والنفس نفس رضيه

ما فيه أنذال وما فيه أنجاس

ولا منهم اللي يرتضي بالدنيه

لديارهم جند وللأمن حراس

وكل يقول الروح لارضي هديه

ويالله تبعد كل حاقد ودساس

عنا وتحمي قادتي والرعيه

تحفظ مليك فيه للعرب نبراس

يسعى لهم بالخير جزل العطيه

وتشفي ولي العهد من موجع الباس

ويعود في صحة شفاء هنيه