ياوطنا وانت تدري يوم قلنا ياوطنا

لعن أبو راس يميل ولاتسنده العزاوي

وين يبدا بك رفيع القاف لاهجرس وغنى

وأنت عشق من التراب ليا السما والوصف غاوي

من ثرى العزين والا من عوايدنا وحنا

قوم لو تثني ركبها دنق البرق النحاوي

مادرج فينا صغير الا رضع وش لون كنا

يتبع السيل المسايل والبكا لام الغطاوي

مثل ماختارك محج اختارنا الوهاب لانا

نصرة الدين الحنيف اليا انعقد حبل البلاوي

دام لك راس يشم الريح وبيوت تبنا

نام لاصليت حدر اضلاع مدخلة الجلاوي

خالد بن محمد العتيبي