لا صرت ساكن بين عوج المحاني
باشة ضلوعي بالتغلي تهزّه
مدري وش اللي في غرامك بلاني
واصبحت تطري يالغلا كل حزّه
وامسى لطيفك في خيالي مكاني
غالي ولك وسط الضماير معزّه
لا قلت ابسلى عنك قلبي عصاني
يا بنت حبك وسط قلبي ملزّه
وشلون ابسلى عنك لو هي ثواني
وانا على جسر الغرام اتنزّه
عشري ما ترجع في غرامك ثماني
اللي يعزك لازم انك تعزّه
يا غايتي يا منوتي يا كياني
كلك غلا كلك حلاوه ورزّه
الشاعر/ صقر بن زبن المرشدي
