اصرار

تعبت وازريت.. ما مليت من صبري

ليت الذي راح مني كثر ما جاني

أحيان ودي أطيح من التعب وازري

وتشيلني عزتي وسلوم جداني

***

فوارق

ليت الشعر ما هو كلام بقراطيس

ليت القصايد بالدفاتر مباني

والله ليفرق شعر من يرجي الكيس

عن شعر من ينحت صخور المعاني

***

كسور

من جزم نفسي يوم .. صار الردى طيب

حلمي قبل لا يكسرونه كسرته

أومن راح مني قلت يا عله مصيب

دورت له عذر كريم وعذرته

***

بدائل

كنت للقلب.. صرت لحبر الأقلام

صرت للناس، وأوراقي ، وبوحي

سكر الليل كنت وملح الأيام

صرت حزني، وتنهيدي، ونوحي