دنياك وإيامك وعمرك ولاشي

لا صرت ما تسجد لمنهو خلقها

لا تحسب انك دايم ابصحتك حي

للنفس يوم تعيش باخر رمقها

وعمر الفتى يسرق مثل سرقة الفي

وتغيب شمسه يوم يغرب شفقها

من عقبها يحرم على عينه الضي

ولا تنفع زهور الحياة وعبقها

ولا عاد يلقا وقتها بارد المي

وتموت خفقاتن بقلبن خفقها

ولا ينفعه ماله ولا ينفع الغي

لا يبست أيامه وطاحت ورقها

يروح ما كنه مشى بارضنا ذي

ولا وطت رجله بدارن عشقها

ينزل بمنزل لا نفس به ولا ضي

إلا حصاد اعماله اللي رفقها

مناحي الفرزة