أنا لي ثمان سنين أجامل وانا مجروح
أكن المودة داخل الصدر واكتمها
يجيني بلا صندوق قلبي يزوحه زوح
خطير معاليقي من القلب يصرمها
سبايب موده جادل ما بها مصلوح
تبهذلت منها ما به أحد يعلمها
خذتني وجرتني بضحكة غلا وامزوح
تهايفت معها لين طحت ابمراحمها
غرقت بغلاها مغرما مثل غرقة نوح
ولا أدري عن أيام الغلا وش خواتمها
وانا مبتلا فيها ولا لي وراها شبوح
مفاتيح قلبي في يديها مسلمها
إليا قلت خفي حبك اللي تعدا الموح
تجيني بنغمات على القلب ترسمها
تجيني بأساليب تزيد الجروح جروح
خذتني بضحك حجاجها مع تبسمها
تبسم ببيضاي كنه الولو المصحوح
هو الدر من بكري سريعي ترزمها
عليها الحلا والملح كنك تكوحه كوح
حظيظ الفؤاد المسعد اللي يلايمها
هكالغرة اللي مثل برقي لنوره ضوح
سنا مزنةٍ ترعد وتبرق مقادمها
محمد بن خلف الخس
