حزين لوني وأدور للحقيقه بلاد

واستيقضت جمرتين بخافقي تسألك

ليه الجفا والخيانه وانت للروح زاد

ماجاك مني عناد ولا نويت اخذلك

ليه ابتدينا وحنا عازمين الحداد

ليه التقينا وحنا صبر ما نمتلك

والا انت يعني مسويها كذا بالعناد

تبغى تلذذ بقتلي خوف لا أقتلك

لا الوقت يسمح ونرجع للاماني جداد

ولابقي من هوانا غير طير وفلك

ضاقت عليه الوسيعه وارتقى للجهاد

يجوع لكن ترفع عن ثرى منزلك

ياكثر ما جر صوته يشجب الاضطهاد

ياكثر ما ضاق وقته ولا قدر يوصلك

ما مر لحظه ف بعدك ما كساها السواد

ولا بقى لك بصدري نبض يشتاق لك

بفراق شفنا انتهينا وانت حفنة رماد

ما تشتعل كود لا مر الهوى يشعلك

مليت ادور في كذبك للسعاده مداد

موجوع قلبي وزيفك بان من اولك

الله بلاني بقلبٍ ما رضى بالحياد

وقررت ادور مكانك فيه واستأصلك

وازرع دروبي فرح من قبل وقت الحصاد

وانسى معاناة قلبٍ كان يتأملك

يا للاسف كنت اقرب من عروق الفؤاد

بنيت لك في حنايا الصدر موطن ملك

شعر - تاج الغرور