ياللي على شان معكازي تبين لي
رجلي على حالها وانا على حالي
والكسر ما هوب في رجلي علي كلي
وانت السبب في الغرابيل اول وتالي
تكفي مراسيلنا العجلات يا خلي
عن مخذ الاخبار والا شوف الازوالي
قلبي وقلبك توصل لك وترسل لي
والله أنها أشد من موجات الارسالي
ردن سلامي عليك وجن وقالن لي
انك ترحب وانا في خاطرك غالي
ليت الغرابيل جتني من عدو لي
إن ما تقاضيت والا بيتقاضى لي
لكن من واحد ذكره غناة لي
ما زلت أحبه،، وأبا أحبه ولا أبالي
لامر طرق بخدراته سلام لي
كنه يسلم علي بصوته العالي
خلوني اسج عن موضوعه احسن لي
والا الغلا، والله ان يبطي هو غالي
سعد بن جدلان
