دامه سلا عني فانا عنه سالي

لا يوجع الخافق ولا اوجع ضميره

يروح في فاله وانا صوب فالي

لو هو جرحني بالظروف الأخيرة

يوم الإجابة منه تكسح سؤالي

الله يغفر له ويحسن مصيره

يبقى على ما قيل طيب وغالي

واذا لقى غيري - انا عفت غيره

حقه علي إن حل ذكره فـ/بالي

ادعي له الله واذكره عند خيره

والى تجاهلني إلى جاء مجالي

أثني عليه إن جاله بيوم سيره

وكانه يدور بالخلايق بدالي

الله من أشرار الخلايق يجيره

رسمته أجمل صورة ٍ في خيالي

لو كان يرسمني بصورة مريرة

مديت له من كل وجهة حبالي

ومهما تطول بعين كفه قصيره

قلت اتركه واروح وابقى لحالي

لو هي كبيرة بعتبرها صغيرة

ويبقى على ما قيل طيب وغالي

والله يغفر له ويحسن مصيره

فيصل بن سبيّل الباهلي