وقّف شوي تقدير وغلا ياسحاب

وابتسم مرتك رحلة حبيب القلوب

رحلةِ عن مقام العز فيها خطاب

تستفز البروق وتستفز النصوب

طايرة سيدي خلت كفوف التراب

أبكت الأرض قبل تفل ثغر الهبوب

اقلعت وألفتت للجو كل الرقاب

حب شعبِ غلب بالحب كل الشعوب

لين جاء دونها فالجو مثل الضباب

وحوّل الرمش فوق العين مثل الغروب

لو تفيض المدامع ماعليها عتاب

ولو تضيق الصدور شعورها ماتذوب

نحسب لكل يوم يمر بعده حساب

مثل ماهو مقدر عندنا ومحسوب

كان للمجد مرجع من جنابه كتاب

وكان للعز معلم من مباديه طوب

مجبر اعتي اضروف الناس للانسحاب

في سفينة كرم كفه لقينا ركوب

حبنا له يعيش بعنفوان الشباب

والولا وجهه ابيض مايجيه الشحوب

يالله احفظ ولي العهد دمث الجناب

لجل بحر المكارم مايجيه النضوب

من لكف الفقير اللي طموحه سراب!

ومن لدمع اليتيم اللي يبل الجيوب!

كم كرهنا الذهاب وكم عشقنا الاياب

وكم وقفنا نتحرى النور من كل صوب

ننتضر طلةِ يضحك لها كل ناب

بالسعادة تلبس ضايق البال ثوب

سيدي طال عمرك لا يطول الغياب

فاقدتك العيون وحافظتك القلوب

ناصر المرشدي