فرص
غلطان من قال خيرة كل تأخيرة
مايستوي في السَبَق ريّض وعجلاني
الحق ماكل تأخيرة بها خيرة
كم فرصةٍ ضايعة من عمر الإنساني
****
خزاين
كلٍ بهمّه والضماير صناديق
مقفّلات وسرها ماتذيعه
لوشفتهم في ساعة الهم والضيق
تعرف تواصيف النفوس الرفيعة
****
سيرة وفا
ياللي جحدت الجميل وتارك الواجب
واهملت ناسٍ معك قامت بواجبها
قد قالوا العين ماتعلا على الحاجب
وشلون عينك تعلت فوق حاجبها
****
وحده من ثنتين
ياللي تداري ولاندري تداري عليش
ماعندنا شي مانبغى العرب تعرفه
أما انت عندك بلا وإلا انت قلبك غشيش
من زود في النفس وإلا نقص في المعرفه
