مخطرٍ قلبي وأظنّه.. مشرف لحدِ خطير

عقب ما حل المفارق.. والبلا.. ماهو سهل

والكثير اللي جمعنا.. وكان في وقتٍ قصير

فيه ما كنّا.. حبايب.. ألا قل.. (حسبة أهل)

وينها.. ذيك الليالي.. عقبها ما شفت خير

اللّي والله لا طرت لي.. بعز ضيقي أسفهل

وأتروّى وأتجلّد كود.. أحايل هالمصير

حابسٍ دمعي بعيني.. حشمتٍ لي لا يهل

لين أردد -حكمة اللي ناصحٍ لاجا- يشير

شاف حلمه في شبابه من عنا.. وقته كهل

لذت أنا بحماك أرجي.. رحمتك لي ياقدير

ساجدٍ في ثلث ليلي.. خاشعٍ لك مبتهل

ما فطنت الا امتأخر.. للزمن يومي كبير

وهقوتي خابت بنفسي - وفاض حزني واستهل

أحسب أني كنت مدرك كل ماحولي وبصير

ما - ذهنت أن زود عرفي.. قادني لين الجهل