نبايع اللي قيادتنا تحملها
عبدالله نبايعه نوكد له البيعه
قيادةٍ عادلة من ساس اوايلها
والشعب مخلص لراع العدل ويطيعه
يا ربي تعزها بالعدل وامهلها
وتبارك لقايد الدوله بترفيعه
وتعز الاسلام وتحلل مشاكلها
وخذل هل الشر ومن يسعى بتوليعه
سلطان لا كبرت القاله يسهلها
ولي عهد بعيدات مراميعه
يفهم دروب الوفا مهوب يجهلها
يا ما هجا بالعطايا كبود مجيعه
عسى حسانيه رب البيت يقبلها
يوم المحاسب عساها تقبل البيعة
دستورها آيات رب البيت نزلها
على محمد وامر فيها بتشريعه
الله هل العدل نزلها منازلها
برجال تحمي وطنها من طماميعه
على العداله رعاياها تعاملها
راع الوفا يشكر بفعله وتشجيعه
ولا خصام لا خطو علينا بي نقابلها
بمجنزرات موجهةٍ مداريعه
صلى على محمد المختار قايلها
اعداد من حولوا للسيل مع ريعه
حمد بن ناصر القريني
