أحمد الله وأشكره كل ليل وكل يوم
عد ما تنبت رياضين نجد زهورها
في رجوع اللي رجوعه سعادة للعموم
خادم البيتين والدار شعشع نورها
يا ملكنا مرحبا بك عدد وبل الغيوم
وعد نفس في قدومك تبث اسرورها
جيتك غيثٍ على الكل يالحر الجزوم
يا رفيع الشان والدار باني سورها
والذي نركع من أجله ومن شانه نصوم
أن لك منزال ثابت بعالي قورها
أنت حاكم خير والشعب بالخير محكوم
ولك عطايا ما نحسب كثر مقدورها
حاتمي الكف منته من الجزل معدوم
لك يمينٍ في المعالي طوال شبورها
والله إنه يرحم اللي على خلقه رحوم
وأعتق الله كل يمناً هذا ميسورها
جعل ما صابك طهوراً ويكفيك الهموم
من كريم يغفر أخطاء النفوس وزورها
كلنا لك جند رهن الإشارة ومخدوم
يا سليل اللي على المجد شيد كورها
وكلنا شعب وحكومة على الباغي نقوم
ما حسبنا حساب عمي الضعوف وعورها
صفنا واحد ولا فيه قسم من القسوم
والاعادي في بلدنا نقف بنحورها
العدو مهزوم واللي مشجعه مهزوم
وطغمة الشيطان نقطع جميع جذورها
تكفر النعمه خدوش دخل فيها السموم
لين سم قلوبها واطلقت حنجورها
ما نبي الراحة والامان وتشن الهجوم
وفاضح الله بين كل العباد ومورها
البلد دونه صقورٍ على العليا تحوم
حربتن تفرا النحر والسعد بحضورها
ودونها سيف ابو حدين وعيالٍ قروم
لو مرونا ولاتنا عزنا في شورها
لو عدانا بالبحر ننزل البحر ونعوم
ما تخوفنا الافاعي وحنا صقورها
يابو متعب لك رجالٍ دمي بالخشوم
لحتمى الميقاف ينبيك ماضي عصورها
الخصوم اللي تبي الشر تدحرها الخصوم
لين تدري ويش دور الرجال ودورها
والله إن بلادنا أبعد عليها من النجوم
وأحمد الله يوم منا بدا عاثورها
انقطع دابر هل الشك واصحاب الحلوم
كادها من كاد عنا جميع شرورها
يالله إنك تمن الدار من باغ غشوم
وتحمي اللي هم ذرا الدار وايضا ستورها
الشاعر سلطان بن عبدالله الوسيدي الحربي
مدينة الملك خالد العسكرية
