الحديث عن مناطق الوطن الغالي (المملكة العربية السعودية) هو عشق لجزء من كل لا يتجزأ، والشاعر المعروف محمد صلاح الحربي، صافح ذائقة محبي الشعر الجميل عبر ديوانه (صبا) برائعته «الغلا العذب»:
حي هالوجد... والعشق القديم
من سنة مولدي لين الممات
ياملا الغيث ياربوع القصيم
يا قصايد غرامٍ وارفات
ياالغلا العذب.. لكنه مديم
يا الحلا الرحب من كل الجهات
كنّك النور لو ما به عتيم
كلِّك الورد لو مابه نبات
الله اللي عطا... والله كريم
والعطايا من الله مكرمات
جاد لك من نعيمه بالنعيم
وزاد لك بالقلوب الطيبات
يامدى اللون الأخضر والنسيم
يا قصيم الحلا طول الحياة
لا يمي في هوى ربوعك غشيم
ما يشوف الوصوف الزاهيات
قلت له قلبي العاشق مقيم
ما فتنته الديار المبعدات
ومن سكن بأوسط الدر النظيم
صار كله قلوبٍ مغرمات
والله إني مُتيّم بالقصيم
من سنة مولدي لين الممات
الشاعر/ محمد صلاح الحربي
