بواقي حظ متهالك سكني من زمان ٍ فات

جبر افكار تسري بي سفيرة هم لحزاني

أحس بجورها الطاغي غريق وطاح وسط اشتات

يعيش العمر متظاهر امام الخلق مايعاني

وحلم ٍ بعثر افكار القريحه واستوت ابيات

شعور يثور من سبة شماتة بعض عدواني

عقود اربع مضت لي في حياتي تحمل البصمات

يجيها يوم تبعدني واحس الوقت ينعاني

وياكم بالكون من ساقط تبيّن يرقب الخملات

منى مثله يجيه السعد لا فرّق بين الاثناني

عسى الله ما يكثرهم عسى الأنذال بالأموات

جنوا في صفحة الطيبه عثوا في كل ميداني

زمان ٍ يتعب العاقل يعيّش بعضنا بمأساة

تخّف النذل في وسطه وفعله بيننا يباني

واذا جينا على الواقع ظفر لكن بحب الذات

لئيم وطبعه الأسود يسوق البخل منّاني

زمان ٍ وضّح المكشوف تبين الخلق بالوقفات

شدايد وقتنا ينبي عن المجني عن الجاني