تسلم لشعبك من صدوف المقادير
يا شاري العليا بغالي ثمنها
لك موقف مشهود بين الطوابير
ولك كلمة في الحق ما حدت عنها
رفعت رأس اللي برأسه صعاطير
واخرست من نفسه تزايد عفنها
ودقيت في نعش الهياما مسامير
اللي تخطأ والمرض في بدنها
وجات الحقيقة واضحة دون تزوير
للأمة اللي عوقها صار منها
يا ما التمسنا للخطية معاذير
من زمرة صيت السعودي غبنها
ويا ما تحملنا كثير المخاسير
لجل العرب من شامها لا يمنها
نعطي بلا منة جنيه ودنانير
ودار العروبة من تضايق زبنها
دار الوفا.. دار الرجال المناعير
دار بها راع الكرامة ضمنها
يا بلادي اللي حبها شلته صغير
أكبر ويكبر لو تطاول زمنها
حبك ورثته من سيوف بواتير
اللي فدت بارواحها عن وطنها
لا يشغلك يا دار خطوا معيثير
اللي حياته بالمهازل قرنها
أرقى سنود ولا تهزك اعاصير
مامونة شر العفون وفتنها
عاش الزعيم مسطر المجد تسطير
اللي يمينه بالمكارم دهنها
ومني لابومتعب سلام وتقدير
اللي خذا العليا بغالي ثمنها
الشاعر - نايف بن مسرع الدوسري
