الخطوه اللي شّفها تقطع البيد
أسوقها مير الحظوظ اعثرتها
حاولت احقق ماتبا النفس وتريد
أحلام مرتها السنين وطوتها
لاقلت زانت واقبلت لي يابوزيد
هبت عوا صيف الرياح ومحتها
شقيت باالدنيا وانا ظافر سعيد
وقطفت من عوُج السنين اثمرتها
لو الاسامي يخدمن الاواليد
إن كان شفت اسمن كبيرٍ بختها
تعبت وانا اطرد سراب الجراهيد
يارحلة الايام ويش اخرتها
ماعاد نرجى بالمقابيل تجديد
أن كحلت عين الزمن وان عمتها
وش عاد لوجتني جمُوع ومفاريد
مرت على ألهامة ولا قصرتها
عديت رجلي عن دروب المناقيد
ودروب صلفات المراجل مشتها
نمشي باهالدنيا على غير تحديد
ومن مات فوق الارض يدفن تحتها
والخطوة اللي شفها تقطع البيد
ما الومها دام الحظوظ اعثرتها
ظافر سعيد السهلي
