بحب بهاليوم قدم تحية باسم فيروز وعاصي الرحباني لكل اللي شاركوا بهاليوم الفيروزي، للشباب المتحمّسين لقضية فيروز ولصوتا اللي بيحبوه واللي رافقن (رافقهم)، وبحيّي كمان (أيضاً) كل الفيروزيين اللي قاموا بالتحرك المؤثّر دعماً لفيروز وبهالاعتصامات العفوية اللي عمّت العالم العربي وبلاد الاغتراب، وبحيٍّي كمان وسائل الإعلام على اختلافا (اختلافها) كصحافة مكتوبة وتلفزيونات وإذاعة على دعما (دعمها) تغطية هالحدث. فعلاً اكتشفنا اليوم أن الفن الصادق بيجمع كل الناس وهيدا اللي (وهذا الذي) قدر عملو صوت فيروز بكل العالم العربي وأصدق صورة عنّو (عنه) هي التحرّك النبيل اليوم اللي قاموا فيه ناس أوفياء للفن ولصوت فيروز ولعاصي الرحباني. وأثبت هالتحرك انو ما حدا بيقدر يواجه الفن الحقيقي مهما حاول من أساليب. تحيّة فيروز وعاصي لكل اللي شاركو بهاليوم الفيروزي العظيم.