جوني ثلاثة إخوان وهم كبار في السن قال واحد منهم حنّا جايينك نبيكم تنقلون ولدنا للمستشفى عشان تعالجونه من هالمخدرات اللي دمرت عقله وخلته مثل المهبول.. كان أول يستخدم حشيش قبل ست سنين قلنا نزوجه لعل وعسى يعقل.. وبعدما زوجنا انهبل زيادة وكل يوم يضرب زوجته ومشاكل مع أهلها.. والحين هي ووليدها لاهي مطلقة ولاهي عنده.. وقبل فترة سوّى مضاربة مع ربع له وصار فيها إطلاق نار والحمد لله الله سلّم.. نخاف من اللي جاي لا قدّر الله وحنا جايين ما نبي إلا سلامتكم ونقله بأي طريقة وإن قدرتوا نبيكم تسجنونه.لا حول ولا قوة إلا بالله.. قبل كل شي والله ما ودنا إذا شافت الأسرة إن حدى عيالها مدمن مخدرات قالوا تبونه يعقل زوجوه.. ما هو صحيح هالكلام.. ولا يبيلها تعقيد الشوس.كان من أول جيتوا لمكافحة المخدرات ولا وديتوه للمستشفى وهم يعرفون كيف يعالجونه ولهم طريقتهم بحل مثل هالمشاكل.
