جاءني أحد الآباء وقال: (والله مشكلتي مشكلة أنا يا خوي ما عندي إلا ولد واحد اللي رزقني إياه وبصراحة أنا وأمه مدلعينه أكثر من اللزوم، كل شي موفرينه له..

ما يطلب شي إلا يكون عنده وحاطينه بأحسن المدارس بالرياض.. ودايماً نراعي خاطره ويوم صار عمره 15 قلنا نروح به لإحدى الدول الأوروبية منها سياحة ومنها يدرس لغة إنجليزية وصرنا كل سنة ندخله إحدى هالأكاديميات لمدة ثلاثة أشهر ولنا هالحين ثالث سنة على هالحال لكن هالسنة ذي متغير علينا الولد ولاعاد نشوفه نوم بالنهار وسهر بالليالي هو وربعه صار ينافخ علينا كأننا أعداء له... وما غير عطوني فلوس.. عطوني فلوس...

في الحقيقة استشرت أحد الأصدقاء وقال لي أحسن أجيكم وآخذ رأيكم...

المهم راحت فرقة مكافحة المخدرات وأخذت الولد ويوم أرسلناه لمستشفى الأمل جانا التحليل إيجابي يعني طلع الولد (مدمن حشيش) والسبب اختلاط الجنسيات في بعض الأكاديميات اللي تعلم منها الولد الحشيش...ودنا ننتبه إذا جينا نودي عيالنا للدراسة بالمعاهد اللي بالخارج ولازم نتابعه ما هو بس نحط الولد ونتركه ما ندري من اللي معه ولا ننسى تكون تربيتنا لعيالنا وسط لا ندلعهم ولا نقسو عليهم.