جاني بالمكتب شاب عمره ما تجاوز العشرين سنة.. وبعد قال.. ما أدري وش أقول.. بصراحة ما عمري دخلت مكافحة المخدرات أو أقسام شرطة.. والشيء الثاني ما أدري أشتكي أبوي أو أحل مشكلة أبوي هو طايح فيها.. أحس إني ماني طبيعي أو ماني مركز قلت له.. ياخوي أنا عارف وش اللي في بالك.. لكن عطني ما عندك أكيد والدك مدمن، قال.. هذا اللي أنا مستحي منه الحقيقة إن أبوي من كم سنة وهو مدمن خمر.. وقبل كم يوم كنت أنا والوالدة وأخواني مسافرين ويوم جينا إلا والبيت فاضي ما فيه لا أثاث ولا مطبخ ولا تلفزيون حتى براويز الصور ما هي فيه أثريه بايعهن على مروجين الخمر.. والحين ساكنين أنا وأهلي في شقة مفروشة وأبوي بالبيت لا هو اللي حي ولا ميت ولا أكل ولا غيره.. أبيكم تاخذونه للمستشفى عشان يتعالج ولا كذا يبي يدهورنا ويدهور نفسه.. قلت صحيح ديننا ما حرم شي إلا وفيه مضرة على الإنسان عشان كذا نقول للشباب احذروا هالخمر والمخدرات اللي ما وراها إلا الضياع والهلاك.. ويالله سترك.