على صوت الخيول اللي تطاير خلفها الغبرة |
صحيت ودقت اجراس الوداع وحارت افكاري |
وعزم خط القلم يكتب ولو جف الألم حبره |
ومدام ان الشعر طاري اكيد ان الحزن طاري |
خذينا من دروس الامس تجارب انتجت خبرة |
وخذينا من دروس اليوم دمعه ليلها ساري |
ابرحل و أرتحل حزني ولو تخنقني العبرة |
احاسيسي تصبرني وتغوص بوسط ابحاري |
ولو قلنا الصبر وافي اكيد ان للصبر صبره |
وبيجيله يوم يتفجر بكيفه او اجباري |
الا ما اصبره اللي يروح برجله لقبره |
والا ما اظلمه اللي ظلم قلبي وهو داري |
ووينك ياللي متهاون وقلبك حالته خطرة |
وبعت نبضك وهو لحظك يقاوم بقوة الشاري |
غريبة حالة اللي يعزف الحانه على قهره |
وتصفق له يدين الناس وهو لحزنها قاري |
مدام إنا نعيش الهم ووصلنا لحالة الطفرة |
خلاص مستحيل اصبر نويت اخط مشواري |
وبأخذ معي هالشمعة وبأخذ دمعتي قطرة |
تجف إلها بحور الكون وبسكنها هوى داري |
نجلاء السميري |
|
