نحمد الله عاد أبو خالد علينا بالسلامه |
وزادت أفراح القلوب وزادت أفراح البلادي |
مرحباً حييت يا سلطان يا رجل الزعامه |
بالنيابه قلتها عن شعبنا حضر وبوادي |
عمّت الافراح من حائل اليا ساحل تهامه |
في قدومك يا ولي العهد يا سقم المعادي |
محدٍ يوصف فرحة الشعب السعودي في كلامه |
حيث فرحتهم كبيرة ما لها وصف وعدادي |
يوم ابو خالد نزل م الطايره واعطى ابتسامه |
عيد الشعب السعودي عيد من غير العيادي |
كلها حبٍ لابو خالد وتمثيل احترامه |
الوزير اللي على الله ثم عليه الاعتمادي |
ان حصل فالوقت غيره وان حصل فيه التطامه |
قاد قواته ودون الشعب يعلن بالجهادي |
لين ياصل كل ما يبغاه ويحقق مرامه |
ما يعود دونها حتى يعلم كل غادي |
كل واحدٍ يطلب الله في جلوسه في مقامه |
ان يحفظ بلادنا من اهل الحسد واهل النكادي |
جلوي سعد إبراهيم السبيعي |
|
