عد يا جندي استعد احمل سلاح وهروله |
إيعاز ليجاء العسكري ما ينشد القائد وليه |
وأنت درع المملكة الجيش كله باكمله |
إيعاز من عندك يراصف كل أخٍ مع أخيه |
والجنود اللي قبالك كلها مستبسله |
كل جندي وده يحييك وتصافح يديه |
الأكيد أن العصور الماضية والمقبله |
بتنحت اسمك في الصخر لكل جيل وما يليه |
الله اللي حط لك حب ومكان ومنزله |
وميزك بأشياء يعشقها الولد في والديه |
السلاطين انجبت سلطان والله كمّله |
من غلاة الشعب كله ينتظره ويحتريه |
يا أمير ويا كريم ويا أبو المرجله |
يا قوي الباس في وجه المعاضل والسفيه |
أنت أسطورة عرب مجدك لزوم نسجله |
بصفحة التاريخ للأجيال تقرا وتقتديه |
أنت سلطان العطاء والخير راعي الأوله |
أنت أشباهك قليل وبالأصح مالك شبيه |
أنت حلاّل العضال اللي تفك المشكله |
أنت آمال الفقير اللي بعطفك تحتويه |
أنت ليا قلت أزهله نعرف نهاية أزهله |
يا طويل العمر يكفينا غياب ما نبيه |
الغياب اللي تعدى الحد ما نتحمله |
ما تعودنا على كثره ولا خذنا عليه |
أشهد ان الأرض تظما سيدي وتجوع له |
وأشهد ان الشعب يعشق سيدي ويموت فيه |
السعودية من أولها إلى آخرها وله |
يمكننا نجيك لو طول سموك في مجيه |
قف يا جندي انصرف بسلاحك اللي تحمله |
ولائنا اللي في الصدر يعلم به اللي نرتجيه |
بندر الرشود |
|
