زاح الظلام وعانق الصبح سلطان |
واستبشرت جدب القلوب بهطوله |
يمطر ويسقي من محبته الأوطان |
كم قلب يرقب بالسلامة وصوله؟! |
ينبت غلاه بصدر الأيام رمان |
وفي كل صفحة بالليالي بطوله |
تعال ناظر ديرتك ياكحيلان |
من غبت يابوخالد شلون توله |
يرسم غيابك في وجه دارك أحزان |
حتى تربع في زوايا فصوله |
كم دمعة. طاحت من عيون الامزان |
وكم فرحة. من وجه شعبك جفوله |
واليوم جيت وسقت غيمك للاغصان |
من عقب ماهي من غيابك محوله |
يافرحة اللي في تحريك شفقان |
شفق الصحاري للغيوم وسيوله |
يالمملكه غني جديدات الالحان |
لو كانت أبيات القصايد خجوله |
مات الحزن في رجعة غيوم سلطان |
واستبشرت كل القلوب بهطوله |
بدر بن عبدالمحسن الضبعان |
|
