للمناسبة النادرة والتي لا تحدث إلا بعد مائة عام جاءت قريحتي بهذه الأبيات في إنجاز الزعيم للقب نادي القرن.
|
لجل الوطن صنعت التماثيل مسرور |
بالمنجز اللي تفتخر به بلادي |
ترى اللقب ما هو على فرد محصور |
للمملكة يحسب وهذا مرادي |
أمس افتخر بالطب بأعمال دكتور |
فصل السوامي عندنا صار عادي |
واليوم فزنا بصعب الألقاب مذكور |
يستاهل اللي حصله باجتهادي |
اوحيت من نظم مع الحسد طابور |
حيث الذي حازه زعيم النوادي |
مر يقول إن اللقب غير مشهور |
ومر على الفيفا بكب الرمادي |
الصدق بان وصاحب الكذب مقهور |
اللي على خط الكذوب امتمادي |
على وطنهم حاربوا كل مغمور |
حتى الرئاسة وصلها الانتقادي |
والجانها قالوا تغير على الفور |
الله يهديهم طريق الرشادي |
ترى التعصب بين الأفراد محضور |
والمنتقد يلزم طريق الحيادي |
واهني اللي بالمنصة له حضور |
في كل عام ينفرد بالجدادي |
واللي على جلب البطولات له دور |
ارجاله اللي هم ذرى واستنادي |
صلوا على اللي بين الحق والنور |
عد الطيور وعد عمر الجرادي |
عبدالرحمن سلطان المعجل - حوطة سدير |
|
